God the Father

Hello everyone! Follow this link to my contribution on God the Father.

-Erin

Die kunstenaar-God

Sou die skepper God ’n kunstenaar wees sou dit sin maak dat die wêreld en die lewe so mooi, so verstommend mooi kan wees, want soos Oscar Wilde sê: “The artist is the creator of beautiful things.”

Sou die onsiende God ’n kunstenaar wees sou dit sin maak dat God so versteek in die wêreld is. Sy teenwoordigheid altyd in afwesigheid, want soos Wilde ook sê: “to reveal art and conceal the artist is art’s aim.”

Sou die misterieuse God ’n kunstenaar wees sou die misterie van die wêreld meer sin maak, want goeie kuns weet dat die lewe, en God ook, nie ’n probleem is om op te los nie, maar ’n misterie om te geniet.

Sou die gekruisigde God ’n kunstenaar wees sou dit sin maak dat God nie ’n ompad om pyn en seerkry neem nie, maar dit uitwys vir wat dit is. Want soos Heidegger sê: “die Kuns laat die Waarheid ontspring.”

Sou die opwekkende God ’n kunstenaar wees maak dit sin dat ons in Hom kan opstaan en lewe al woed die dood so erg om ons. Want soos Carl Jung eens gesê het: “Art releases those forces which have enabled humankind to find refuge from every peril and to outlive the longest night.”

Die kunstenaar-God rig aan ons die vraag: “Kan Ek nie met julle doen wat hierdie pottebakker met die klei gedoen het nie, Israel?” (lees weer Jeremia 18)

Dis ’n uitnodiging om herskep te word, om nuut verwoord te word. Dis ’n uitnodiging om weer, nadat ons onsself selfstandig en verlig verklaar het, ’n kunswerk te word.

Is dít nie dalk ons belangrikste verhouding nie? Gód die kunstenaar – óns die kunswerk.

(Hierdie stuk het oorspronklik in Stellenbosch Moedergemeente se jaarblad verskyn)

Ek Glo...

’n Mens kry dikwels die ervaring dat ’n geloofsbelydenis iets is soos ’n ‘check-list’.  Indien jy genoeg regmerkies het, bevestig dit dat jy wel ’n Christen is – dat jy wel glo:  “Sjoe!”  Sê ons verlig, “my saak is darem reg met die Here.  Ek is darem OK...”

Maar wat gebeur as jy nie jou merkie agter elke stelling kan maak nie?  Wat gebeur as jy die toets dop?  Waar pas jy dan in?  Hoe staan jou “saak” dan?

 

Oor die volgende paar maande gaan Grey Matters op reis om saam te ontdek waarin ons vertrou.  Ons wil die eeue-oue gebruik van geloofsbelydenis weer besoek en oorweeg hoe dit ons kan help om nuut uitdrukking te gee aan ons diepste oortuigings.  Ons beweeg weg van lysies wat mense uitsluit om in ware Grey Matters styl eerder by mekaar te leer en na ’n dieper besef van die lewe in al sy grysheid te groei.

Die eerste byeenkoms van hierdie nuwe reeks vind hierdie Donderdagaand, 6 September, plaas.  Soos gewoonlik, 19h00 in die Hofmeyrsaal Foyer.  Laat weet asseblief as jy beplan om deel te wees van die reeks (al kan jy dalk nie die eerste keer kom nie).  Dit sal baie help met my voorbereiding.

 

Kontak gerus vir Helgard by helgard@moederkerk.co.za; 083 640 6525 vir meer inligting.

Grey ART

At the previous Grey Matters gathering we embarked on a journey through the world of the visual arts.  We all had our own questions, but we were brought together by the question of whether the visual arts could help translate or express something of the transcendent into our lives.  Could the visual, as once at Emmaus when the risen Jesus tore apart a piece of bread, open our eyes to what transcends sight?



Rembrandt Harmensz. van Rijn: Supper at Emmaus (1648)

We were all asked to bring along an artwork that resonates with us.  Instead of sharing what the artwork meant to you, the rest had to guess.  It was a interesting exercise that often revealed more about the interpreter than anything else!  Here are some of the artworks that were shared.  Enjoy and, if you'd like, leave some comments or guesses on their meaning!

Kris Martin: All Saints (2007)

Kris Martin: Festum (2010)

Kris Martin: Festum (2010)

Eugène Burnand: Disciples John and Peter on their way to the tomb on Easter morning (1898)

Hibbary Large: March of the Demon Horses

Alida Bothma: No Greater Love

Jacques Dhont: Die Draadsitter

Unkown: Milwaukee Art Museum

The wonders of slime mould and fig wasps

Ek voel nogals gereeld soos die 'slime mould girl' - ek raak opgewonde oor sciency stuff terwyl mense om my nie regtig sien waaroor om opgewonde te raak nie. Soos, as ek vir mense probeer vertel hoe mooi my fig wasps is, en ek kan sien hul glo my nie regtig nie, en dan wys ek hulle dit:

G’n Wonder

’n Definisie van wonder:  om nuuskierig oor iets na te dink.  Engelse sinonieme van “wonder”: ponder, meditate, question.

Om te wonder veronderstel altyd misterie, die onbekende, die nuwe.  Ons wonder oor dit wat ons nie verstaan nie, oor dit wat ons verras, oor dit wat nuut oor ons pad kom.

Die interessante is dat wonder in Afrikaans net ’n werkwoord is.  Wonder gebeur amper spontaan sodra iets skeefloop of iets verrassend ons pad kruis.  Wonder happens spontaneously when our understanding is brought up short.  Ons begin spontaan wonder sodra ons ’n nuwe horison teëkom.  Dan slaan ons amper onmiddellik oor in een of ander aksie wat hopelik sal help om te verklaar, verduidelik, bewys.

Wonder is deel van lewe.  Ons doen dit daagliks.  Die hele wetenskap wentel rondom hierdie menslike behoefte om te verstaan en verklaar, om sin te maak en te verduidelik.  Wetenskaplikes is altyd besig om te ponder, question en waag ons om dit te sê: meditate!  Wonder is die energie agter baie se soeke na verklarings, verduidelikings en bewyse.

Hierteenoor veronderstel ’n lewe sonder wonder dat niks verander nie, dat ons als weet.  Dit veronderstel ’n wêreld sonder misterie, sonder verrassings, sonder die nuwe.  Wonder veronderstel beweging, en ’n lewe daarsonder: stagnasie.

Is ’n geloof wat ophou wonder, wat weier om kort te skied, nie ook ’n geloof sonder die erkenning van misterie nie?  Is geloof wat ophou vrae vra, nie ook een wat ophou mediteer nie?  Is ’n geloof sonder nadenke nie ’n irrelevante, sinnelose geloof nie.  Is geloof sonder wonder nie dalk ongeloof nie?

Gelowiges gee graag vir wetenskaplikes die skuld vir God se dood.  Is dit nie dalk gelowiges wat die lewende, bewegende, verrassende, misterieuse, vernuwende God doodgemaak het toe ons opgehou het om te wonder nie?

G’n wonder, ons het opgehou glo...

Is die Bybel WAAR?

’n Vriend vra eendag of ek glo dat die Bybel die waarheid is.  Ek gebruik toe ’n dominee ontduikings tegniek en vra wat hý glo.  Sy antwoord was nee.

Later, toe ek weer oor die voorval dink, kom Pontius Pilatus se woorde by my op:  “Wat is waarheid?”  Die woord, “waarheid”, word dikwels gebruik om te verwys na dit wat met realiteit ooreenstem.  Waarheid is dan ’n feit wat met empiriese bewyse bevestig of verklaar kan word (bv. die aarde is rond).  Dan is daar ook “Waarheid” (met ’n hoofletter W) wat verwys na gevolgtrekkings tot metafisiese vrae soos God se bestaan en aard.  Waarheid wat nie bewys kan word nie, maar tog veronderstel word.

Dit lyk egter asof Jesus ’n derde verstaan van waarheid in gedagte het wanneer hy sê: “Ek is die waarheid.”  Jesus is die WAARHEID.  Anders as “waarheid” kan WAARHEID nie begryp of geken word nie – mens word deur die WAARHEID geken!  Anders as “Waarheid” gaan WAARHEID nie oor spekulasie nie – WAARHEID vind gestalte in vlees en bloed, brood en wyn.  Om die WAARHEID te ken is om geken te word en dit maak jou vry!  Om in die Bybel te glo, gaan dus nie oor kennis van ’n stel empiriese “waarhede” nie.  Dit gaan net so min oor die vashou aan metafisiese “Waarhede”.  Is Johannes nie dalk reg (1Joh. 4:7) wanneer hy sê: “Kom ons wees lief vir mekaar, want liefde kom van God.  Almal wat liefhet is van God gebore en ken vir God.”

’n Week of wat later sien ek weer my vriend.  Hy was besig om met deurnis met ’n oom te gesels wat onlangs sy vrou verloor het.  Ek kon die omgee in sy oë sien.  Dalk glo my vriend meer in die Bybel as wat hy dink?

Is die Bybel “waar”?  Bewys dit eers.  Is die Bybel “Waar”?  Wie weet?  Is die Bybel WAAR?  Jy sal weet wanneer dit is!